ఆం తరువాత నోటికొచ్చింది అమ్మే!
ఆం తరువాత నాకు రుచించిందీ అమ్మే!
కొమ్మ కొమ్మన ఒక అమ్ముంటుంది
గుడ్లు పొదిగి బిడ్డల్ని కాపాడుతుంది
తన గుండెలనే గూడును కట్టి
కమ్మని భావన తానవుతుంది!
నమ్మకమే దేవుడయితే, అసలు
అమ్మే లేక నమ్మకముండదు?
అందుకే అమ్మ దేవుడవుతుంది
అవును అమ్మ నా దేవుడవుతుంది!
రోతంటే తెలియ చెప్పింది తనే
నను రోయక పెంచింది తనే
కలుగ కూడదట నాకు కష్టం
పరువా లేదనేది తనకొచ్చే నష్టం!
అమ్మ తరువాత కాన రాలేదు మరో మజిలీ
అర్ధమయ్యింది ఎందుకన్నారో భూమిని తల్లి!
