నీది కాదది, ఒట్టు! ... ... ... ...

నీది కాదది, ఒట్టు! ...  ... ... ...

ఆశాసౌధాల్లోంచి ఆకాశాన్నందుకోటం,
ఆదిమానవుడి సొత్తులా అనురాగం గుంజుకోటం,
అలవికాని అవినీతిలో అనుభవాల్ని పుంజుకోటం,
అదేం లేదంటూ చివరికంతా గింజుకోవటం!

జీవన గమ్యానికి జీవచ్ఛవాల నడక,
కలనుండి కాటివరకు మధువుతో పడక
స్పందనలేని హృదయం, స్పర్శ తెలీని చర్మం,
ఆకల్లేని ఆతిధ్యం- అదే! అద్దెకొచ్చిన జీవితం!

ఎవరో గుచ్చితే నీకు స్పృహ తెలిసింది!
చితికిన గుండెతో నీలో చితి రగిలింది!
చిన్నతనమనేది చెరగని ముద్ర కాదు!
పరమపదంలో పెద్దరికమనే గడీలేదు!

ఆవేశం అర్ధం చూపే అద్దంకాదు
వేషాన్ని మించిన భాష సృష్టిలో మరోటి లేదు
తలవని తలంపులు, తవ్విన నిజాలు కావు
తరగతుల మధ్య తత్వానికి మాటు లేదు!

కవుల్లోని కమనీయత, కళ్ళ వెనకది!
కంటికిజేరే వున్నా కన్నీరది చూడలేదు!
గుండె లారాక గుడి కట్టుకొంటాడు గుణ తత్త్వేవేత్త!
తినబోయేది పరమాన్నం కాదనుకొనే దిగుతాడు రైతు!

రాలుగాయ వూరగాయి రుచెంతో తెలుసుకదా?
నోటు వెనుక బాట, పరువు నీకు తెలియనిదా?
సహజంకాని సంతృప్తి సాఫల్యానికి కానట్టు
నిజంకాని జీవనం, నీది కాదది, ఒట్టు!

दिल की आवाज

दिल की आवाज 

उभर आती जो हर  आवाज , रही वोह दिल की अंदाज 

छुपी नहीं कोई राज, मेले में क्या होता येह साँझ ?

दिल का दस्तूर का निशान है ये दर्द, सह नहीं पाते पर इमान हैं दर्द!
क़ूब लगता था, कभी हम साथ में थे, डर लगता है अब कमी ये रात में है!  

అసత్యం పక్కన

అసత్యం పక్కన

అసహనపు చీకట్లో

ఆరాధన పని లేదు

ఆకాశపు టంచుల
కొక ఆనవాలు వుండబోదు
సూది మొనకు ముక్కులెందుకు,
సున్నాలకు లెఖ్కలెందుకు?
అన్నీ తెలుసనే నీకు
అసత్యం పక్కనెందుకు?

కాదను కొన్నవన్నీ
కానివి కాలేదు గతంలో!
వాదానికి వేదాలే,
భేదాలు నీ స్వగతంలో!
గుండెల తిరిగిన సుడులు,
చూపలేదు యే గుడులూ!
సోపాన పట జడిలో,
విశదం కాలేదా గడులు!

తరం మారి తరగలేదు,
తెలియని తన మేనాడూ!
అలుపు నెరిగి మరువలేదు,
తొలి సవాళ్ళ నీనాడు!
క్షర క్షర దీపాలకు,
కక్ష్య లెందు కంటాను?
తప్పని తప్పుకు చెప్పిన,
తిప్పలేమిటంటాను?

బాటసారి, వేటగాడు,
కలసి చూసిన సిత్రం-
కాషాయపు వేషగాని,
కను కొలకుల రక్తం!
ఆత్మ శోధన కొఱకు,
రాత్రయినా తప్పులేదు!
అందని సారాంశా న్నందల
మెక్కించుట వొప్పుగాదు!

భయంలో భగవంతుడు

భయం కడుపు నుండి భగవంతుడొచ్చాడు

బాదితుల భ్రమలతో బలవంతుడయ్యాడు  

మహిమలన్నీ మనసు నమ్మని నిజాలు

మనసు అవధుల్లోనే ప్రమాద ముంటుంది!

కాని తత్త్వాలెన్నోకాలమే చూసింది

కవిత కందని కరుణ పుడమికే చెల్లింది

మనసు తెలియాలంటె కోతులను వెదకాలి

మనిషి తెలియాలంటె మమతతో నింపాలి!

అక్కనాలిని చేసి ఆడించు రాబందు,

నీ నుండి విడగొట్టు విడ్డూరపు మందు,

పగటి వెన్నెల వెనుక నీడలా కనువిందు,

పరువమన్నది; అదో పాచిపోయే పసందు!

నాకు కావాలది, నాకు కావాలిది

నాకు కావలసిన దాని, నిజమైన అవధేది?

నే పెంచినదే తనువు, నాకే కాదిది అనువు?

ఎందుకిక యీ చనువు, నిలవనిదే యీ మనువు!

జన్మనెత్తానంటు, జగతి నడవాలంటు,

జతకోసమై వెదికి, జవ సత్త్వాలు వుడిగి,

జప తపాలు చేసి, జీవ తత్త్వము తెలిసి,

నిజ గజాల పొత్తు, ఋజువు లేదని వెఱసె! 

                                - On 4-Oct-2011 in memory of  4-Oct-1990

Doubt is doctrine - Desire is emotion - Man is amidst of 'em!
- I thought during 1981 when I lived at Sharjah- U.A.E