పెద్దరికం

పెద్దరికం

ఈదేశపు పెద్ద జబ్బు, పెద్దరికమంటే డబ్బు

కోరుకుంటేనే సుద్దులు, అలోచనుంటే బుధ్దులు!

ఎందుకు కొఱగాని యువత యేమయినా చెబుతుంది

తాతగ మారిన తనయుని రోతకు గురి చేస్తుంది!

మగతనాన్ని శంకించే నవతే మా యువగణం

మద్యం, మత్తు వాసనలకు సాగుతున్నదే రణం

జీవితమను మీటనిపుడు చేతికంటి వుంచాలి

పురిటి పాపలను సహితం ప్రభుత్వమే పెంచాలి

వుమ్మి అంటినా సరే, సొమ్ము మాకు కావాలి

కాలికి పని లేకుండా కైపు మాకు రావాలి

భోగ భాగవతము నేటి కధా వస్తువును నడుపు

అభాగినుల ఆర్తనాదమే అందుకు తొలి ఆట విడుపు

జంతు బంధ వారధిగా ధనమే మాకాధారం

వింత నడక మృగాలే మన రోడ్ల పైన విడ్డూరం!

అహంకార అనాగరికుల వారసత్వ ధోరణిలో

గతంలేదు, మతంలేదు మానవ కమతం లేదు

తప్పులు వెదికే నీలో తృప్తికి దారే లేదు

పప్పులుడకవని తెలిసీ కష్టానికి వళ్లు రాదు!

కావాలిసినదేంటి నీకు పెద్దరికపు జాలు నుంచి

వసి వాడిన కనుల క్రింద నలుపెక్కిన సాలు నుంచి

తెలియాలనుందా నీకు ముసలి జీవ సమర ఘోష

అర్హతగా ముందు వెదుకు, అవగాహనకంటూ భాష?